هام علي فكرة انتي رخيصة اوي في نظره

علي فكرة انتي رخيصة اوي في نظره

[center][size=21]احترت اكتب الموضوع دا فين[/size]
[size=21]بس مش لقيت احسن من القسم دا [/size]
[size=21]لان بيكون فيه اكبر تجمع للبنات
وياريت يابنات تقروا الموضوع دا بكل تدقيق وتركيز لان دا اللي هيفيدكم ان شاء الله[/size]

[size=21]:: بسم الله الرحمن الرحيم ::
بس ايه رأيكم قبل ما نتكلم تصلوا على حبيبنا النبي عليه افضل الصلاة والسلام

بصوا يا حلوات انا و اخويا كنا بنتفسح فوقفنا عند محل بيعمل ميكسات عصاير وايس كريمات
فاخويا حبيبي نزل من العربيه يجيب مينيو ... فلقيت 3 شباب واقفين قدامنا وواحد فيهم بيتكلم في الموبيل
و طبعا كان بيكلم الحته الطرية بتاعته قمت ركزت معاااااااهم بقي ماهي هيصه
فلقيت الباشا بيكلمها و كاتم الضحكه (باين انه بيتريق عليها يعني ) و بيبص لصحابه و اصحابه بيضحكوا

الصدمة بقي

انه كان بيقولها يعني لابسه ايه ؟؟؟ فهي قالتله طبعا انا ماسمعتش و كنت هموت و اسمع

الصدمه الاكبر انه عمل نفسه ماسمعش و سأل السؤال تاني
بس المرة دي عطى لصاحبه التليون
و الله زي مابقولكم كدا عطى التليفون لصاحبه يسمعه هي لابسه ايه و خده تاني

طب دا يتقال عليه ايه و المهم ان اصحابه بيضحكوا وكاتمين ضحكهم يعني واضح جدا انها فاهمه انه لوحده

تخيلوا اد ايه هي رخصت ورخصت نفسها لواحد مش محترم زي دا علي اعتبار انها بتحبه بقي صاحبته اي اعتبار
بس انا اتضايقت جدا ... انتي يالي مصاحبه ممكن جدا صاحبك يعمل فيكي كدا
وماتقوليش لا انا صاحبي دا حاجه تانيه و بيحبني وبيحترمني
لوكان بيحبك و يحترمك فعلا ماكان حطك في موقف انك تكلميه من ورا اهلك ... كان حارب الدنيا عشان يوصلك
كان علي الاقل سابك لو امكانياته ماتسمحش عشان يدخرك عند ربنا له لما يبقي قادر
ماكنش سمح انه يلوثك بذرة شك حتي من اي حد يشوفك بتكلميه في التليفون او ماشيه معاه
وعلي فكره يا بنوته انتي وهي بيبان اوي ان أي واحده بتكلم صاحبها في التلفون انها بتكلمه و الله صدقوني بيبان علي وشها وجميع جوارحها
واحنا
البنات مابنصدق نبص علي اليمين مانلاقيش الدبله ، الشمال منلاقيش الدبلة
.. هوب يا باشا دي مصاحبه ... فتخيلي بقي الشباب بيشوفوها ازاي
فليه تحطي نفسك ان حد يحتقرك او يبصلك بصه مش تمام
وعلي فكره انتي بتبقي رخيصه اوي في نظره
غلي نفسك يا قمر
انت غاليه اوي عند ربنا والا ماكنش عمل الزواج و الخطوبه و الحجاب الي بتحتجبي بيه عن عيون الناس عشان انتي يستاهلك راجل واحد بس
راجل واحد هو اللي تعب عشان يوصلك و انتي غاليه و عزيزة
حسي انك غالية و عزيزة عند ربنا وانه اغلاكي و بلاش ترخصي نفسك بالله عليكي

و معلش معلش لو كنت طولت عليكم

بس والله اللي شوفته حرق دمي و عز عليا تكون اخت ليا في الله في الوضع دا

ربنا يحفظكم و يحميكم

في حفظ الله ورعايته

[/size]

[/center]